من يومين في التاكسي، اشتغلت على قائمة الأغاني أغنية يا مصري لعلي الحجار
يا مصري ليه دنياك لخابيط و الغلب محيط
و العنكبوت عشش ع الحيط و سرح ع الغيط
وكمان بيقول فيها
و مهولاتي تحب تزيط
ساعة الفرح زغاريط تنطيط
و في المياتم هات يا صويت
و في المظاهرات سخن تشيط
و في الإنتخاب تنسى التصويت
آآي و علشان ييجي على الجرح بقى
ليه بترشي و تتساهل
و تبيع حقوقك بالساهل
تستاهل النار تستاهل
يا غويط و يحسبك الجاهل
ساهل و ساهي و غبي و عبيط
فكرني بالـ 100 جنيه بتاعت السلوم، هو صحيح ما فيش فايدة؟ ولا ده أنا بس؟؟
الأغنية فكرتني كمان بدكتور هاني، أول واحد سمعهالنا في معسكر رأس سدر من سنتين.. يا ترى فينه دلوقتِ؟؟
Wed, 04/05/2006 - 17:34
The first time I heared the song was on Ibn_Abdel_Aziz' blog.
I kept playing it over and over again.
The song is both beautiful and painful.
Thank you for putting the lyrics.
I love the song very much.
Wed, 04/05/2006 - 19:02
حمدالله ع السلامة ياشيخى انتى فين من بدرى
-----------
الاغنية طبعا عظيمة بس مش فاكر مين اللى الفها اعتقد انه حمدى عيد اللى الف اغنية ابن ماريكا بتاعت منير
ممكن مش فاكر
الاغنية اللى اروع منها فى نظرى بتاعت يا طالع الشجرة هاتلى معاك بكرة يمكن انا بحلم ببكرة كتير فعايزه عشان كدة بحبها اكتر د/ هانى لو كان سمعهالكم قاصد يبقى بالتأكيد فى جوانتانامو دلوقتى
Wed, 04/05/2006 - 19:15
أظنها من اشعار سيد حجاب-->
Post new comment